Fyrsta got Ghazi á Íslandi væntanlegt

Við fengum staðfest í vikunni að von er á fyrsta goti undan Ghazi hér á Íslandi en hann á fyrir fjögur got í Hollandi. Ghazi var paraður við glæsilega síðhærða tík; CIB ISShCh RW-14-15-16 Kolgrímu Gypsy Woman Hólm. Dimma, eins og hún er kölluð, er margverðlaunuð, alþjóðlegur og íslenskur sýningameistari hjá HRFÍ og var valin Reykjavík Winner 2014, 2015 og 2016. Hún var stigahæsti síðhærði hundur ársins hjá Schäferdeildinni 2013 og 2014 og stigahæsti schäfer í hlýðni brons árið 2016. Dimma og Ghazi eru bæði frí af mjaðma- og olnbogalosi. Við erum mjög spennt fyrir þessu goti hjá Kolgrímuræktun (Gulli s. 824-1076) og hlökkum mikið til að sjá væntanlega hvolpa í maí.