Sumarið okkar í máli og myndum

Þá fer viðburðarríku sumri að ljúka. Við ferðuðumst víða um landið, fórum vikuferð í bústað, vikuhringferð um landið auk annarra styttri helgarferða og dagsferða. Það er að okkar mati auðvelt að ferðast með hunda innanlands, þeir eru yfirleitt allstaðar velkomnir. Á okkar ferð var aðeins einn staður sem ekki leyfir hunda og vissum við af því fyrirfram en það er Herjólfsdalur. Það kom þó ekki að sök þar sem það er annað tjaldsvæði í Vestmannaeyjum og þar eru hundar velkomnir. Þegar við ferðumst með hundana höfum við augun opin fyrir svæðum þar sem þeir geta fengið að hlaupa um lausir eins og þeir eru vanir að gera hjá okkur daglega. Oftast verða fyrir valinu fjörur, hættulitlar ár og opin svæði fjarri bílaumferð. Myndirnar koma í réttri tímaröð og eru teknar í maí, júní og júlí. Við minnum á Instagram síðuna okkar undir nafninu eldbergs en þar koma reglulega inn myndir og fréttir.

Gönguferð við Apavatn

Ghazi við Hrunalaug

Karma sullar í á skammt frá Laugavatni

Italy með hrábein að naga fyrir utan bústaðinn

Karma syndir í Apavatni

Hugi og krakkarnir í Grímsnesi

Sexhjólaferð upp á Miðfell

Quimba og Ghazi við Landeyjahöfn

Gönguferð á höfninni á Húsavík

Viðrað við árbakka á meðan við gistum í Hallormstaðaskógi

Sundsprettur á Austurlandi

Kvöldganga á Höfn í Hornafirði

Hópmynd við Jökulsárlón

Gist hjá skyldmennum sem eiga bæ við Kirkjubæjarklaustur

Italy og Karma í blíðunni fyrir austan á Klaustri

Karma á toppi Snjóöldu með Veiðivötn í baksýn

Fjöruferð á Eyrarbakka

Gönguferð í Vestmannaeyjum

Hundarnir eru í nokkurra metra löngum taumum á tjaldsvæðunum, okkar fást t.d. í Gæludýr.is

Hundarnir hlupu 10 km leið, eru þarna í 933 m hæð

Ghazi og Karma, Mýrdalsjökull í baksýn

Hópmynd á Eyrarbakka

Heimilislegt, verið að undirbúa kvöldmat

Gott að nýta tækifæri sem gefast í gönguferðum fyrir umhverfisþjálfun og hlýðniæfingar