Ghazi var skráður á síðustu sýningu HRFÍ. Hann var sýndur í vinnuhundaflokki og var þar í 1. sæti. Hann fékk excellent og meistaraefni og keppti um sæti sem besti rakki tegundar á móti öðrum rökkum sem komust áfram upp úr sínum flokkum. Hann endaði sem 3. besti rakki á eftir tveimur meisturum. Frábær árangur á sinni fyrstu FCI sýningu enda hefur hann einungis sótt schäfersýningar erlendis. Einnig kom hann úr einangrun aðeins tveimur vikum áður en var bara í flottu standi þrátt fyrir langt ferðalag og miklar breytingar vikurnar áður.

Ghazi kom til landsins 9. janúar (í einangrun) og það er nánast búið að vera snjór, frost og/eða klaki síðan þá. Núna þegar hitinn er kominn yfir frostmark er gott tækifæri til þess að sulla í vatni og synda. Frábær hreyfing og þjálfun fyrir hundana að hlaupa í vatninu.